Azərbaycan, Bakı, 10 oktyabr/ Trend , müxbir Ü.İsmayılova/ Azərbaycanın ən böyük sığorta şirkəti Joint Leasing öz portfelini $75 mln. manatadək çatdırıb, - cümə günü şirkətdən bildiriblər. 2007-ci ilin analoji dövrü ilə müqayisədə, şirkət lizinq əməliyyatlarının həcmini 40 faiz artırıb.
İlin əvvəlindən Joint Leasing, avtolizinq və kommersiya tipli daşınmaz əmlakın lizinqi olmaqla, iki yeni məhsul təklif edib. Şirkət texnika və avadanlıqların, istehsal xətlərinin, avtomobil və kommersiya tipli daşınmaz əmlakın lizinqi də nəzərə alınmaqla, bütün növ lizinq xidmətlərini də təklif edir.
Joint Leasing nailiyyətlərini davam etdirərək, lizinq portfelini gələcəkdə də sürətlə artırmaq niyyətindədir. Regional layihələrin maliyyələşdirilməsi vasitəsi ilə regionlarda fəaliyyətin daha da aktivləşdirilməsi, portfelin sektorlar üzrə diversifikasiyasının gücləndirilməsi də şirkətin inkişaf planlarına aiddir.
Joint Lizinq Company ölkənin lizinq bazarında 2007-ci ildən, їAzərlizinqї şirkətinin hüquqi varisi kimi fəaliyyət göstərməyə başlayıb. Joint Lizinq Company-nin təsisçiləri Böyük Britaniyanın DH Leasing LTD şirkəti (52,4%) və Azərbaycan Beynəlxalq Bankıdır (47,6%).
Müəlliflə əlaqə saxlamaq üçün elektron ünvan: [email protected]
