Azərbaycan, Bakı, 22 oktyabr/ Trend , müxbir N.İsmayılova/ Beynəlxalq Valyuta Fondu (BVF) 2009 - cu ildə istehlak inflyasiyasının 2008 - ci ildəki 22,4 faizdən 20 faizədək azalacağını proqnozlaşdırır, - BVF- nin Yaxın Şərq və Mərkəzi Asiya ölkələri üçün regional iqtisadi icmalında (2008-ci ilin oktyabrı ərzində) bildirilir.
"Region ölkələri inflyasiyanın artım templərini saxlamaq, onun sosial təsirini yüngülləşdirmək üçün siyasi hərəkətlərin geniş diapazonundan istifadə ediblər, - hesabatda bildirilir. - Əksər ölkələr ərzaq ehtiyatlarını və əhalinin aztəminatlı təbəqələrinin gəlirlərini sığortalamaq məqsədilə birdəfəlik müvəqqəti tədbirlər görüblər".
Dövlət qulluqçularının əmək haqlarının artımı Mavritaniyada 10 faizdən Azərbaycanda 150 faizədək dəyişib.
Fondun ekspertlərinin rəyinə görə, əksər hökumətlər sosial zəmanətlər sistemini artırıblar. Bəzi ölkələrdə (Azərbaycan, Qırğızıstan, Mərakeş və Özbəkistan) az maaşlı dövlət qulluqçularının əmək haqları artırılıb. Əksər dövlətlər, xüsusilə də əsas ərzaq səbəti (Misir, İordaniya və Pakistan), kənd təsərrüfatı gübrələrinin alınması üçün (Azərbaycan, Pakistan) adətən qiymət artımından əvvəl tətbiq edilən universal subsidiyaların həcmini artırıblar.
"Bir sıra hökumətlər daxili qida məhsulları istehsalını stimullaşdırmaq məqsədilə kənd təsərrüfatına subsidiyalar ayırmağa (Azərbaycan) və kənd təsərrüfatı məhsulları istehsalçılarının kreditləşdirməsini artırmağa başlayıblar", - BVF-nin icmalında bildirilir.
Dünya miqyasında ən yüksək inflyasiya səviyyəsinin - orta hesabla 17 faiz səviyyəsində Qafqaz və Mərkəzi Asiyada, 20 faizdən yuxarı maksimal inflyasiya səviyyəsinin Azərbaycan, Qırğızıstan və Tacikistanda olacağı gözlənilir.
Müəlliflə əlaqə saxlamaq üçün elektron ünvan: [email protected]
