Azərbaycan, Bakı, 24 oktyabr/ Trend , müxbir İ.Xəlilova/ "Azərbaycan Milli Bankı (AMB) ölkənin bank cəmiyyəti ilə Azərbaycanın Əmanətlərin Sığortası Fondu (ADİF) vastisəilə zəmanət verilmiş bank əmanətlərinin son həddinin artırılması mövzusunda məsləhətləşmələr aparır", - AMB İdarə Heyətinin sədri Elman Rüstəmov cümə günü bildirib.
"Bu, ölkənin bank sisteminə etibarın möhkəmlənməsi işində əlavə amil olacaq", - Rüstəmov bildirib.
2008 - ci ilin əvvəlindən sığorta edilən maksimal məbləğ 6 min manatadək artırılıb, - 2010 - cu il yanvarın 1-dən bu göstəricinin 8 min manata çatacağı gözlənilirdi. "Əmanətlərin sığortalanması haqqında" Qanuna əsasən, 2008 - ci il yanvarın 1-dək ADİF tərəfindən 4 min manatadək əmanətlər tam sığortalanırdı.
Qanun faiz dərəcəsi AMB-nin uçot dərəcəsindən (bu gün 12 faiz) 1,8 faiz çox olan əmanətlərin sığortalanmasını nəzərdə tutmur. Beləliklə, sığorta edilən əmanət üzrə dərəcə 21,6 faizədək ola bilər. Banklar belə əmanəti qəbul edərkən müştərini Sığorta Fondundan qorunmanın olmaması barədə məlumatlandırmalıdırlar.
ADİF - in icraçı direktoru Azad Cavadovun sözlərinə görə, Fond vasitəsilə sığorta edilən məbləğin ölçüsünün dəyişdirilməsi üçün, Müşahidə Şurası ölkə parlamentində qanunverici təşəbbüslə çıxış etməlidir.
""Əmanətlərin sığortalanması haqqında" Qanuna təkliflərin hazırlanması üçün bank cəmiyyəti məsləhətləşmələr aparmalıdır, - Cavadov bildirib. - Buna zərurət yaranarsa, zəmanət verilən əmanətin məbləği dəyişəcək".
(Qazaxıstan hökuməti artıq zəmanət məbləğinin 700 min təngədən (5,8 min dollardan çox) 5 mln. təngəyədək (42 min dollardan çox) artırılması haqqında tədbir görüb. Bu, müştəri bazasını 99 faiz sığortalamağa imkan verir).
Bankların Sığorta Fondunun reyestrinə daxil olarkən birdəfəlik üzvlük haqqı (10 min manat) ödəkiləri nəzərə alınmaqla, daxilolmaların ümumi həcmi 8 897 min manat, sığorta edilən əmanətçilərin sayı 1275540 təşkil edir.
ADİF 2007- ci il avqustun 13-də fəaliyyətə başlayıb.
Oktyabrın 24 - nə olan cari mübadilə məzənnəsi - 0,8111 AZN/USD.
Müəlliflə əlaqə saxlamaq üçün elektron ünvan: [email protected]
