Azərbaycan, Bakı, 01 noyabr/ Trend , müxbir N.İsmayılova/ Azərbaycan Milli Məclisinə təqdim edilmiş 2009-cu ilin dövlət büdcəsi layihəsində əsas kapitala sərmayələr 5,61 mlrd. manat səviyyəsində proqnozlaşdırılır ki, bu da 2008-ci il proqnozundan 7,5 faiz (393,5 mln. manat) çoxdur, - hökumətdən şənbə günü bildiriblər. Dövlət büdcəsinin xərclər hissəsində sərmayələrin xüsusi çəkisi 45,4 faiz təşkil edəcək.
Dövlət İnvestisiya Proqramı ilə nəzərdə tutulan layihə və tədbirlərin maliyyələşdirilməsi üçün nəzərdə tutulan sərmayələrin 4,718 mlrd. manat səviyyəsində olacağı gözlənilir ki, bu da 2008-ci ilin analoji göstəricisindən 391,7 mln. manat və ya 9,1 faiz çoxdur.
Sosial-mədəni və məişət, inzibati və istehsalat bina və tikililərin maliyyələşdirilməsinə, yolların çəkilməsi və əsaslı təmirinə, qeyri-maliyyə aktivlərinin alınmasına 1,8 mln. manat və ya 0,2 faiz artımla 891,4 mln. manat vəsait yönəldiləcək.
Sosial iqtisadi inkişafın dəstəklənməsi məqsədilə ölkədə münasib sərmayə mühitinin təmin edilməsi üçün və iqtisadi bərabərliyin müdafiəsi prinsipinə əsaslanaraq, sərmayələr ilk növbədə sənaye, energetika, kənd təsərrüfatı sahələrindəki və digər infrastruktur layihələrin başa çatdırılmasına, sosial-mədəni idarələrin tikintisinə, əsaslı təmirə, tikinti və yenidənqurmaya, əsas vəsaitlərin alınmasına, ölkənin milli təhlükəsizliyinin mühafizəsi üzrə tədbirlərə, bir sıra proqramlardan nəzərdə tutulmuş dövlət əhəmiyyətli layihə və tədbirlərin maliyyələşdirilməsinə yönəldiləcək.
Noyabrın 1-nə olan cari mübadilə məzənnəsi - 0,8095 AZN/USD
Müəlliflə əlaqə saxlamaq üçün elektron ünvan: [email protected]
