Azərbaycan, Bakı, 04 noyabr/ Trend , müxbir Ü.İsmayılova/ Azərbaycan hökumətinin turizmin inkişafı sahəsində əsas məqsədləri turizm ehtiyatlarının öyrənilməsi, onların genişləndirilməsi, beynəlxalq standartlara müvafiq xidmət, turizm obyektləri tikintisinin, turist marşrutlarının artırılması və turizm xidmətləri növlərinin inkişafından ibarətdir. Bu barədə Milli Məclisə təqdim olunan Azərbaycanın 2009-2013-cü illər dövlət büdcəsi layihəsində bildirilir.
Hökumət mədəni və ekoloji turizmi, tənəffüs sahəsində dövlət nəzarətinin gücləndirilməsini, milli suvenirlərin istehsalı və satışını turizmin inkişafında prioritet istiqamətlərdən biri hesab edir.
Ölkənin qeyri-neft sektoru istiqamətlərindən biri kimi, turizm sahəsinin inkişaf yolları üzrə tədbirlər aşağıdakılardan ibarətdir:
- turizm zonalarının müəyyənləşdirilməsi və bu yerlərdə turist fəaliyyətinin tətbiqi üçün normativ-hüquqi bazanın hazırlanması,
- turizmin inkişafı və onun reallaşdırılma mexanizminin müəyyənləşdirilməsi üçün layihələrin hazırlanması;
- turist obyektlərində işləyənlərə xüsusi vəsiqələrin (Sertifikatlar) verilməsi üçün qanunvericiliyin hazırlanması,
- sərmayələrin cəlb edilməsi üçün ölkənin turizm potensialının öyrənilməsi və təhlili;
- beynəlxalq təşkilatlar tərəfindən texniki və maliyyə yardımının cəlb edilməsi və istifadəsi üçün işin aparılması,
- ixtisaslaşdırılmış kadrların hazırlanması üzrə tədbirlərin gücləndirilməsi;
- beynəlxalq və daxili rəqabətqabiliyyətli mühtin təşkili üçün turizm sənayesinin yaradılması və infrastrukturun təkmilləşdirilməsi;
- turist ehtiyatları mühafizəsinin təmin edilməsi və onlardan istifadə səmərəliliyinin artırılıması.
Məqalə müəllifi ilə əlaqə ünvanı -