Azərbaycan, Bakı, 06 noyabr/ Trend / Müsabiqə komissiyası investisiya təkliflərini nəzərdən keçirdikdən sonra "Ceyranbatan Sutəchizatı" ASC səhmlərinin satışı üzrə müsabiqənin qalibini müəyyən edib. Bu barədə Azərbaycanın Əmlakın İdarə Edilməsi üzrə Dövlət Komitəsinin məlumatında bildirilir.
Qalib, fiziki şəxs, investisiya proqramına əsasən, üç ay ərzində müəssisəni 50 min manat sərmayə ilə təmin edəcək. Vəsait müəssisənin müasir standart və normalara çatdırılması və göstərilən xidmətlərin yaxşılaşdırılmasına yönəldiləcək.
Müsabiqənin şərtlərinə görə, sərmayədar dövlət büdcəsinə 70 min manat köçürməlidir. İnvestisiya proqramı yeni iş yerlərinin açılması və əmək haqlarının qaldırılmasını da nəzərdə tutur.
