Azərbaycan, Gəncə, 13 noyabr/ Trend müxbir Ü.İsmayılova, V.Məmmədov / Azərbaycanın qərb bölgəsində çörək ucuzlaşıb. Şəhərin çörəkbişirmə sexlərindən birindən Trend -ın bölgə müxbirinə bildiriblər.
Bir neçə gün əvvəl Gəncədə 400 qramlıq çörək 0,4 manat olub. Cümə axşamı onun çəkisi artırılıb. Bölgənin çörək sexlərindən birində deyiblər ki, əvvəllər 0,4 manat olan 400 qramlıq çörəyin qiyməti bugündən 0,35 manat, çəkisi 500 qram olacaq.
Məsələ ilə bağlı rəyi soruşulan çörək sexi sahiblərinin sözlərinə görə, çörəyin ucuzlaşmasına səbəb buğda ixracatçısı olan ölkələrdə qiymətlərin düşməsilə bağlıdır.
Respublikanın ən iri un istehsalçılarından olan Fatoglu fabriki 50 kiloqramlıq un kisəsinin qiymətini 17,8 manatdan 16,5 manatadək aşağı salıb. Gəncədə un istehsal edən "Ərəboğlu" firması isə, un kisəsinin qiymətini 18,5 manatdan 17 manatadək ucuzlaşdırıb.
"Gəncədə un istehsalçıları bu məhsulun qiymətini təxminən 7,8-8,8 manat ucuzlaşdırıblar. Bu, əcnəbi bazarda buğdanın qiymətinin düşməsilə bağlıdır", - un məhsulu istehsalı ilə məşğul olan "Neon" firmasının sabiq direktoru Arif Həsənov vurğulayıb. Onun sözlərinə görə, Rusiyadan və Qazaxıstandan alınan 1 ton buğda 315 dollara başa gəlir. Bu, un kisəsinin qiymətini 17 manatadək ucuzlaşdırmağa imkan verir.
"Yerli bazarda buğdanın qiymətinin ucuzlaşması o qədər də müşahidə edilmədiyindən, biz buğdanı xarici bazardan almağa məcburuq", -Həsənov söyləyib.
Azərbaycanın illik buğda ehtiyacı üç milyon tondur, bunun 1 milyonu Qazaxıstan, Rusiya və Ukraynadan gətirilir.
Məqalə müəllifilə əlaqə ünvanı: [email protected]
