Azərbaycan, Bakı, 19 noyabr / Trend , Ü.İsmayılova/ Oktyabrda ilkin bazarda mənzilin kvadratmetri orta hesabla 1,2 faiz - 1,1 min dollaradək ucuzlaşıb, çərşənbə günü "MBA Group" konsaltinq şirkətinin baş direktoru Nüsrət İbrahimov bildirib.
"İndeks göstəricidə ilkin mənzil üçün qiymətlər aşağı düşüb. Tələb azaldığından, ucuzlaşma bazarda təklifin artımına mənfi təsir göstərib", - İbrahimov deyib.
Oktyabrda yüksək qismdən olan ilkin mənzil üçün qiymətlər 3,1 faiz, orta evlər üçün 0,1 faiz ucuzlaşıb.
Oktyabrda Bakıda ilkin bazarda tikilən binaların sayı 541 olub. Azərbaycanda ilkin mənzilin qiymətinin ucuzlaşması 2007-ci ilin yayından, Milli Bank yanında ipoteka fondu ipoteka kreditləri verməyi dayandırdıqdan sonra başlayıb. Bu mərhələdə ipoteka kreditləri ayıran yerli bankların fəallaşması müşahidə olunub.
Bazarın ikinci dəfə, avqust ayından başlayaraq ucuzlaşmasına dünyadakı maliyyə böhranı təsir göstərib. Nəticədə bir sıra banklar vəsait çatışmazlığından ipoteka kreditlərinin verilməsini dayandırıblar.
Müəlliflə əlaqə ünvanı: [email protected]
