Azərbaycan, Bakı, 20 noyabr/ Trend , müxbir K.İsmayılov/ Fransa, Rusiya və Hollandiya şirkətlərinin nümayəndələri yeni "Bakı metropoliteninin 20 illik inkişafı Dövlət Proqramı"nın reallaşdırılması üçün konsorsiumun yaradılması çərçivəsində noyabrın 28-də Bakıya səfər edəcəklər. Bu barədə çərşənbə günü metropolitendən məlumat verilib.
"Fransa, Rusiya və bir Hollandiya şirkətinin nümayəndələri tanışlıq məqsədilə Bakıya səfər edəcəklər", - deyə mənbə bildirib. Bu şirkətlər yeni proqramın reallaşdırılması üçün konsorsiumun yaradılmasını planlaşdırırlar.
Yeni proqramın hazırlanmasına başlamaq üçün Azərbaycan prezidenti İlham Əliyevin "Bakı metropoliteninin perspektivli inkişafı ilə bağlı bəzi tədbirlər haqqında" sərəncamı üzrə Prezidentin Ehiyat Fondundan Bakı metropoliteninə iki mln. manat vəsait ayrılıb. "Gələn il bu məbləğ üç dəfə çox olacaq və layihənin hazırlanmasına yönəldiləcək", - deyə mənbə bildirib.
Proqram çərçivəsində 40 yeni metro stansiyasının açılışı planlaşdırılır.
Bakı metropoliteni "İçəri Şəhə"r stansiyasından "Nəriman Nərimanov" stansiyasınadək üç aralıq stansiya ilə 1967-ci ildən fəaliyyət göstərir. Metropolitenin yeddi stansiyası ("İçəri Şəhər" "Sahil", "28 may", "Cəfər Cabbarlı", "Xətai", "Nizami", "Elmlər Akademiyası") dərin enişli, "Bakmil" - yerüstü, qalanları isə sütunlu, dayaz enişlidir (cəmi 20 stansiya).
Məqalə müəllifi ilə əlaqə ünvanı: [email protected]
