Azərbaycan, Bakı, 20 noyabr/ Trend , müxbir Ü.İsmayılova/ Oktyabrda Bakının torpaq bazarında orta qiymət sentyabra nisbətdə 0,1 faiz azalaraq bir sota görə 25,1 min dollara çatıb. Bu barədə cümə axşamı "Əmlak bazarı iştirakçıları" İctimai Birliyindən məlumat verilib.
Oktyabrda Bakıda ən bahalı torpaq sahəsi Nərimanov rayonunda - bir sotu 480 min dollar, ən ucuzlu torpaq sahəsi Əzizbəyov rayonunda - bir sotu 600 dollara, təklif olunub.
Əvvəlki aylarla müqayisədə əhəmiyyətli artım paytaxtın Suraxanı rayonunda - 4,5 faiz, əhəmiyyətli azalma Səbayel rayonunda - 2,2 faiz, müşahidə olunub.
Oktyabrda torpaq sahələrinin ekspozisiya müddəti 2,7 faiz artaraq 189 günə çatıb.
Oktyabrda bazara təklif olunan 811 hektar torpağın 76,8 faizini boş torpaq sahələri, qalanlarını qeyri - yaşayış məntəqələri təşkil edib.
Məqalə müəllifi ilə əlaqə ünvanı - [email protected]
