Qazaxıstan, Astana, 26 noyabr / Trend , müxbir K.Konırova/ Operativ məlumatlara görə, 2008 - ci ilin doqquz ayı ərzində Qazaxıstanda ÜDM-in real artımı 3,9 faiz olub, - çərşənbə günü iqtisadiyyat və büdcə planlaşdırması naziri Baxıt Sultanov bildirib.
"2009 -2013 - cü illərdə iqtisadiyyatın orta illik artım tempi, dəqiqləşdirilmiş proqnozlara görə, 2,7 - 4,1 faiz olacaq, 2013- cü ildə adambaşına düşən ÜDM 13 000 dollardan çox olacaq (əvvəlki proqnozlarda 15 737 dollar planlaşdırılıb)", - Sultanov Senatın "2009 -2011- ci illər üçün respublika büdcəsi haqqında" qanun layihəsilə bağlı plenar iclasında çıxış edərkən deyib.
Nazirin söylədiyi kimi, beynəlxalq ekspertlərin qiymətləndirmələri - neftin dünya qiymətlərinin düşməsi nəzərə alınıb və neftə olan dünya qiymətləri 2009 - cu ildə 1 barelə 40 dollar, sonrakı illərdə 1 barelə 50 dollar olmaqla, mühafizəkar proqnoz əsas götürülüb.
Dövlət rəsmisinin məlumatına görə, görülən tədbirlər, hökumətin Milli Bankla və "Samruk-Kazına" Fonduyla birgə hazırladığı iqtisadiyyatın və maliyyə sisteminin sabitləşməsi proqramınının realizəsi nəzərə alınmaqla, balanslaşdırılmış iqtisadi artımın əsasında sərmayələşmə prosesinin stimullaşdırılması dayanacaq, bu zaman sərmayələrin ÜDM - i qabaqlayan sabit tempi 8,0-8,6 faiz olacaq.
Sənaye məhsullarının orta illik artımının həcmi 2009 - 2013 - cü illərdə 2,9 faiz, kənd təsərrüfatında ümumi məhsulun artım tempi 3,2 faiz təşkil edəcək.
Tikinti işlərinin orta illik artım həcminin 2,3 faiz səviyyəsində qalacağı gözlənilir.
Nəqliyyat sektorunda xidmətlər, orta hesabla, 2,7 faiz artacaq, təklif olunan rabitə xidmətlərinin orta illik artımı 10,2 faiz təşkil edəcək.
İnflyasiyanın səviyyəsi ilin sonuna tədricən düşəcək və 2013- cü il üçün 5,5 - 7,5 faiz aralığında saxlanacaq.
"Hökumət monetar, fiksal və eyni zamanda struktur siyasət alətlərinin səmərəli istifadəsilə, balanslaşdırılmış və keyfiyyətli iqtisadi artımın təmininə yönəlmiş siyasət yürütmək niyyətindədir", - Sultanov vurğulayıb.
Onun sözlərinə görə, Milli Fonda daxilolmaların dəqiqləşdirilmiş proqnozu 2009 - cu ildə neftin 1 barelinin 40 dollar qiymətində 954 mlrd. tengeyə bərabərdir və ya parlament Senatına təqdim olunandan 498,1 mlrd. tenge azdır.
2010 - 2011 - ci illər üçün respublika büdcəsi gəlirlərinin dəqiqləşdirilmiş proqnozu 2 017,5 mlrd.tenge və 2 177,8 mlrd.tenge və ya uyğun olaraq, 444,1 mlrd.tenge təşkil edir.
"2011 - ci ildə gəlir hissəsindəki itkiləri konpensasiya etmək üçün Milli Fonddan cəlb olunan təminatlı transferti 114 mlrd. tenge artırmaq təklif olunur və 2011- ci ildə 1 126,4 mlrd. tenge (və ya fond səhmlərinin 33,3 faizi) təşkil edəcək", - nazir deyib.
Onun sözlərinə görə, 2010 - 2011- ci illərdə xərclərin optimallaşdırılması məqsədilə, əvvəllər bu illərə planlaşdırılan bir sıra layihələrin realizəsi növbəti mərhələyə keçirilib.
Bir sıra mütərəqqi layihələrin realizə sxemlərinə, o cümələdən Balxaş İES -in, Aktau şəhərində AES, Atırau vilayətində qaz-kimya komplesinin tikintisi məsələsinə yenidən baxılıb.
"Bu layihələri həm ümumilikdə, həm də ayrı-ayrılıqda Milli Fondun "Samruk-Kazına"ya ayırdığı 10 mlrd. dollar hesabına maliyyələşdirmək təklif olunur. Qərbi Avropa - Qərbi Çin avtomobil yolunun tkintisi və bərpasına ayrılan xərclərin bir hissəsi də növbəti illərə keçirilib", - Sultanov qeyd edib.
Onun sözlərinə görə, dəhlizin uzunluğu 2 min km- dən artıqdır. Nəqliyyat və Kommunikasiya Nazirliyinə bütün sahələrin eyni vaxtda bərpası təklif olunur. Layihənin miqyasını nəzərə alsaq, bu sement və bitum qıtlığı yaradacaq, bu da, uyğun olaraq, həmin məhsulların qiymətinin artımına gətirib çıxaracaq və digər sahələrə də inflyasiya təzyiqi göstərəcək. Bununla bağlı layihəni mərhələli şəkildə realizə etmək məqsədəuyğundur.
Müəlliflə əlaqə ünvanı: [email protected]
