Azərbaycan, Bakı, 27 noyabr/ Trend , müxbir N.İsmayılova/ "TBC Credit qeyri -bank kredit təşkilatı əsas səhmdarı TBC Bank -dan birinci krediti əldə edib", - deyə cümə axşamı təşkilatın Baş direktorunun müavini Əjdər Əliyev bildirib. Kredit təşkilatından borcun məbləğini açıqlamayıblar.
Kredit vəsaitləri, əsasən, biznes - kreditlərin verilməsinə, bir hissəsi isə, istehlakçı kreditləşməsinə yönəldiləcək.
"Biz xarci sərmayədarlarla danışıqlarda da tərəqqi əldə etmişik və gələn ilin əvvəlində kreditlərin alınması ehtimal olunur", - deyə Əliyev bildirib.
Onun sözlərinə görə, bir çox xarici kreditorlarla danışıqlar həm də, onların dünya maliyyə böhranı ilə əlaqədar çətinlik hiss etməsinə görə dayandırılıb. Əliyev konkret olaraq hansı təşkilatlarla danışıqların aparıldığını bildirməkdən imtina edib.
2008 - ci ildə Azərbaycanın kredit təşkilatını mliyyələşdirməyə hazır olan Amerika Overcies Provide Investment Company -si (OPIC) və Avropa Yedənqurma və İnkişaf Bankı (AYİB) ilə aparılan danışıqlar prosesində qeyri - müəyyənlik qalmaqdadır. AYİB TBC Credit ilə Gürcüstanda vəziyyət stabilləşənədək, kredit xəttinin açılması üzrə danışıqları təxirə salıb. Belə ki, onun əsas səhmdarı Gürcüstanın TBC Bank-dır. OPIC isə əvvəlcə oktyabrda büdcəsi təsdiqlənədək danşıqları təxirə salıb, lakin sonradan aydın olub ki, cari ildə bu şirkətdən maliyyə vəsaitlərinin alınması gözlənilmir.
Bununla belə, AYİB və OPIC ilə xarici maliyyənin cəlb edilməsi üzrə danışıqlar davam etdirilib. Likvidlik problemi yaşayan Azərbaycan bankları tərəfindən xeyli müraciət daxil olduğundan, TBC Credit bu il digər beynəlxalq təşkilatlardan vəsait almağa ümid etmirdi.
Xarici borclanma olmadığından, TBC Credit 2008 -ci il üzrə planlarına düzəliş etməlidir. Belə ki, kredit portfelinin, əvvəllər planlaşdırıldığı kimi ,30 mln. dollara çatdırılması artıq mümkün deyil. Bununla yanaşı, 2008 - ci ilin sonunadək nəzərdə tutulan 30 - 40 mln. dolları cəlb etmək mümkün olmayacaq və bu gün TBC Credit-in borclanma həcmi 10 mln. dollardır.
Bu gün təşkilatın kredit portfeli 10 mln. dollara bərabərdir. Bu məbləğin 10 faizi istehlakçı kreditləri, 45 faizi ipoteka kreditləşməsi və 45 faizi biznes kreditlərinə yönəldilib.
OPİC - Amerikanın Xarici Sərmayələr üzrə Dövlət Təşkilatı SOA Credit-in maliyyələşdirilməsinə 2004 - cü ildə başlayıb. $2,5 mln. həcmində birinci kredit xətti 7 ilə, $7,5 mln. həcmində ikinci kredit xətti 9,5 ilə hesablanıb. Sonuncu kredit 2007-ci ildə alınıb və tam mənimsənilib.
OPIC -in vəsaitləri biznes- kreditlərin və kredit təşkilatının ipoteka proqramının maliyyələşdirilməsinə yönəldilir.
Ötən il AYİB-dən Azərbaycanda mikro və orta sahibkarlığın inkişafına $2 mln.məbləğdə kredit alınıb.
Bank 2008-ci ildə Gürcüsmtan bankından alınan kredit nəzərə alınmasa hələ xaricdən borc cəlb etməyib.
2008-ci ilin əvvəlində TBC Bank-ın TBC Credit səhmdarlarının tərkibinə daxil olmasınadək,bu kredit təşkilatnın 100 faizlik təsisçisi Amerikanın Shorebank qrupuna daxil olan Shorebank International beynəlxalq konsaltinq şirkəti olub. Gürcüstan bankı kredit təşkilatında 75 faiz iştirak payına malikdir.
Məqalə müəllifi ilə əlaqə ünvanığ- [email protected]
