Azərbaycan, Bakı, 29 noyabr/ Trend , müxbir A.Bədəlova/ Britaniyanın iqtisadi tədqiqatlar üzrə konsaltinq şirkəti Capital Economics 2010-cu ilə Avrozonada ÜDM-in 0,5 faiz artacağını proqnozlaşdırır.
2008-ci ilin üçüncü rübündə Avrozonanın ÜDM-i 0,2 faiz olmaqla 0,7 faizədək azalıb. Britaniya şirkətinin proqnozlarına görə, bu göstərici cari ilin dördüncü rübündə də qalacaq. Capital Economics 2008-ci ildə ÜDM-in 1 faiz artacağını proqnozlaşdırır.
2009-cu ildə regionda ÜDM illik hesablamada 1 faiz azalacaq. Gələn il bu göstəricinin ən çox düşməsi dördüncü rübdə müşahidə olunacaq - 0,4 faiz.
Britaniya şirkətinin proqnozlarına görə, 2011-ci ildə istehlak qiymətləri indeksi 2008-ci ildəki 3,3 faizə qarşı 1,1 faiz təşkil edəcək. Cari ilin dördüncü rübündə istehlak qiymətləri indeksi 2,5 faizədək düşəcək.
2008-ci ildəki 7,5 faiz işsizlik səviyyəsi 2009-cu ildə 9,3 faizədək artacaq.
Capital Economics 2009-cu ildə avronun dollara nisbətən məzənnəsinin 0,4 faiz - 2008-ci ildəki 1,25 dollara qarşı 1,20 dollaradək zəifləyəcəyini proqnozlaşdırır.
Müəlliflə əlaqə saxlamaq üçün elektron ünvan: с[email protected]