Oktyabrda Azərbaycanda zərərlə işləyən bankların sayı artıb
Azərbaycan, Bakı, 03 dekabr/ Trend ,müxbir N.İsmayılova/ 2008-ci ilin oktyabrında Azərbaycanda mənfəətlə işləyən bankların sayı 38-dən 37-dək azalıb, ötən ilin oktyabrı ilə müqayisədə də 1 bank azalıb, Azərbaycan Milli Bankından çərşənbə günü bildiriblər.
Bank sisteminin ümumi mənfəəti 2007-ci il noyabrın 1-nə nisbətən 59 faiz artaraq 213,07 mln. manat təşkil edib. Oktyabrda mənfəətli bankların sayının azalmasına baxmayaraq, mənfəətin ümumi həcmi 18,6 faiz artıb.
Zərərlə işləyən bankların sayı sentyabra nisbətən 1 bank artıb, ötən ilin əvvəli ilə müqayisədə isə 2 bank azalıb. Nəticədə səkkiz bankın zərərlərinin həcmi 15,35 mln. manat olub ki, bu da ilin əvvəlinə olan göstəricidən 2 dəfədən çoxdur.
Bankların fəaliyyətinin maliyyə nəticələri (vergilər ödənildikdən sonra), mln. manatla:
| Dövrlər | Mənfəətlə işləyən bankların sayı | Bank sisteminin ümumi mənfəəti (mənfəətli banklar üzrə) | Zərərlə işləyən bankların sayı | Bank sisteminin ümumi zərərləri (zərərlə işləyən banklar üzrə | Bankların aldığı yekun mənfəət (+) və ya zərər (-) |
| 01-11-2006 | 30 | 63,56 | 13 | 15,98 | 47,58 |
| 01-11-2007 | 38 | 134 | 5 | 4,36 | 129,64 |
| 01-11-2008 | 37 | 213,07 | 8 | 15,35 | 197,72 |
Dekabrın 3-nə olan cari mübadilə məzənnəsi - 0,8091 AZN/USD
Müəlliflə əlaqə saxlamaq üçün elektron ünvan: [email protected]
