Azərbaycan, Lənkəran, 03 dekabr/ Trend , müxbirlər Ü.İsmayılova, P.Əliyeva/ "Azərbaycanın Əmək və Əhalinin Sosial Müdafiəsi Nazirliyi yanında Əmək Müfəttişliyi ölkənin cənub regionunda - Lənkəranda 63 istehsalat müəssisəsində monitorinqlər aparıb", - regional müfəttişlik rəhbərinin müavini Rasim Rəhimov çərşənbə günü bildirib.
"Monitorinqlər nəticəsində işçilərlə əmək müqavilələri bağlanmadığı üçün 9 sahibkar ümumilikdə 539 manat cərimə edilib", - Rəhimov bildirib.
Regional Əmək Müfəttişliyi yanvar - oktyabrda Lənkəranda apardığı yoxlamalar zamanı işçilərin hüquqlarının pozulmasına dair 258 fakt aşkar edib, monitorinqin yekunları üzrə 235 işçi ilə əmək müqaviləsi bağlanılıb.
11 ay ərzində bədbəxt hallar nəticəsində Lənkəranda istehsalatda 3 nəfər həlak olub.
Müəlliflə əlaqə saxlamaq üçün elektron ünvan: [email protected]
