Azərbaycan, Bakı, 20 dekabr/ Trend , müxbir N.İsmayılova/ Azərbaycanın Dövlət Əmlakının İdarə Edilməsi üzrə Dövlət Komitəsi Beylaqan-Pambıq Səhmdar Cəmiyyətinin səhmlərinin 30,34 faizinin satışına sərmayə müsabiqəsi elan edib. Bu barədə şənbə günü Dövlət Komitəsindən bildiriblər.
Müsabiqədə Azərbaycanın fiziki və hüquqi şəxsləri və xarici sərmayədarlar iştirak edə bilər.
İddiaçılar pambıq emalının təkmilləşdirilməsi və onun satış həcminin genişləndirilməsi üzrə sərmayə proqramını təqdim etməlidirlər.
Müsabiqədə iştirak etmək istəyənlər sərmayə təkliflərinin beş faizinə bank zəmanəti və dövlət büdcəsinə 75 min manat ödəmək barədə təklifləri təqdim etməlidirlər.
3,85 ha sahədə yerləşən Beylaqan-Pambıq pambığın tədarükü, emalı və satışı ilə məşğul olur və Beylqan rayonunun Daşburun qəsəbəsində yerləşir.
SC - nin Nizamnamə kapitalı 840,69 min manatdır. Bu məbləğdə hər birinin nominal dəyəri 2 manat olan 420345 səhm buraxılıb. Müsabiqənin predmeti nominal dəyəri 127520 min manat olan 255,04 səhmdir.
2008 - ci il noyabrın 1-nə olan vəziyyətə görə, müəssisənin 70,97 min manat məbləğindədir. Onun debitor borcları 107,5 min manat təşkil edir.
1983 - cü ildən fəaliyyət göstərən, müəssisədə 66 nəfər çalışır.
İddiaçılar 2009 - cu il yanvarın 23- dək saat 10:00 - dan 17:30- dək Bakı şəhəri, Y.Səfərov küçəsi, 20 ünvanında müsabiqənin tələbləri, sərmayə planı ilə tanış ola və əlavə məlumat ala bilərlər. Sənədlər və təkliflər yanvarın 23-ü saat 10:00 -dan 17:30 - dək qəbul olunur.
Təkliflərə 2009 - cu il yanvarın 27 - da saat 10:30 - dan etibarən müsabiqə komissiyası tərəfindən Dövlət Əmlakının İdarə Edilməsi üzrə Dövlət Komitəsinin binasında baxılacaq.
Dekabrın 20 - nə olan cari mübadilə məzənnəsi -- 0,8013 AZN/USD.
Müəlliflə əlaqə saxlamaq üçün elektron ünvan: [email protected]