Azərbaycan, Bakı, 24 dekabr/ Trend , müxbir N.İsmayılova/ Dekabrın 1-nə olan vəziyyətə görə, Texnika Bank-ın aktivləri 395,5 mln. manat təşkil edib ki, bu da ötən ilin bu dövr üçün olan göstəricisindən 28,77 faiz çoxdur, - bankın İdarə Heyətinin sədri Samir Hüseynov çərşənbə günü bildirib.
Onun sözlərinə görə, illin əvvəlindən bankın mənfəəti 82,56 faiz, ötən ilin hesabat dövrü ilə müqayisədə isə 72,28 faiz artaraq, 20,9 mln. manat təşkil edib.
ROA indeksi (mənfəətin aktivlərə nisbəti) 5,39 faiz, ROE (mənfəətin kapitala nisbəti) - 46,07 faiz təşkil edib.
"Bankın xarici borc üzrə öhdəlikləri cəmi 13 faiz təşkil edir ki, bu da dünya maliyyə böhranının təsirini minimuma endirir", - Hüseynov deyib.
Texnika Bank 1993-cü ildə yaradılıb və hazırda Bakı və ölkənin regionlarında bankın 35 filialı, üç mübadilə məntəqəsi fəaliyyət göstərir. Özəl banklar arasında ən geniş filial şəbəkəsi Texnika Bank-a məxsusdur. İndi bankda 567 əməkdaş çalışır.
Dekabrın 24 - nə olan cari mübadilə məzənnəsi --0,8022 AZN/USD
Müəlliflə əlaqə saxlamaq üçün elektron ünvan: [email protected]
