Azərbaycan, Bakı, 25 dekabr/ Trend , müxbir N.İsmayılova/ "2009 - cu ildə Azərbaycanın AGBank-ı institusional möhkəmlənmə siyasəti aparmaq niyyətindədir", - AGBank-ın Müşahidə Şurasının sədri Çingiz Əsədullayev bildirib.
"Biz bankların dünya böhranı fonunda mühafizəkar siyasət və aktivlərin saxlanılmasına üstünlük verdikləri vaxtdan, əsasən, institusional inkişaf və kadrlarımızın öyrədilməsi üçün istifadə etməliyik", - Əsədullayev deyib.
Onun sözlərinə görə, AGBank institusional inkişafı, informasiya texnologiyalarının, yeni bank xidmətlərinin inkişafını davam etdirəcək.
"İndi aktivlərin inkişafı üçün dövrdən daha çox, bankların kapitallaşması, informasiya texnologiyalarının, əlavə servislərin inkişafı, bankların beynəlxalq münasibətlər və əlaqələrinin möhkəmlənməsi vaxtıdır. Və ən başlıcası, hazırki məqamdan yaxşı reytinq almaq üçün istifadə etmək lazımdır", - Əsədullayev deyib.
Dekabrda Standard & Poor's beynəlxalq reytinq şirkəti Azərbaycanın AGBank-na (AGB) "sabit" proqnozu ilə kredit reytinqləri verib. AGB Standard & Poor's-un reytinqlərini alan ilk Azərbaycan bankıdır.
Əsədullayevin sözlərinə görə, AGBank 2009 - cu ildə dünya maliyyə böhranına görə kəskin azalmış xarici borclanmaların olmaması nəzərə alınmaqla strategiya aparacaq. Hazırda bank xarici kreditlərin cəlb edilməsi mövzusunda danışıqlar aparmır.
Noyabrın əvvəlinə AGBank-ın aktivləri 221 mln. manatı ötüb. İlin əvvəlindən aktivlərin artımı 41 faiz təşkil edib. Noyabrın 1 - də 162,5 mln. manata çatmış bankın kredit portfeli 50 mln. manatdan çox artıb. İlin əvvəlindən bankın cəlb etdiyi vəsaitlər 51 mln. manat artıb və noyabrın 1 - nə 186,7 mln. manat təşkil edib. Bununala belə, depozitlərin artım strukturunda fiziki şəxslərin əmanətləri üstünlük təşkil edir - ilin əvvəlindən 54 faiz artım.
Beynəlxalq Maliyyə Korporasiyası və Amerikanın Kazimir Investment LTD şirkətləri, müavfiq olaraq, 17,5 və 10 faiz payla AGBank-ın Nizamnamə kapitalında iştirak edirlər.
Dekabrın 25 - nə olan cari mübadilə məzənnəsi -- 0,8017 AZN/USD.
Müəlliflə əlaqə saxlamaq üçün elektron ünvan: [email protected]