Azərbaycan, Bakı, 29 dekabr/ Trend , müxbir N.İsmayılova/ "Azərbaycanın Finre Conculting Konsaltinq Şirkətinin dəstəyi ilə, özəlləşdirilmiş kənd təsərrüfatı müəssisələrinin əsaslandırılmış inkişaf strategiyası və onun icra taktikası, müasir menecment sistemi konsepsiyası hazırlanıb, - inre Conculting Konsaltinq Şirkətinin icraçı direktoru Faiq Abbasov bazar ertəsi bildirib.
Bu tədbirlər Azərbaycanda kənd təsərrüfatı məhsullarının emalı üzrə sektorda özəlləşdirilmiş şirkətlərə dövlət dəstəyi ilə konsaltinq xidmətlərinin göstərilməsi layihəsi çərçivəsində həyata keçirilib. Layihədə 12 kənd təsərrüfatı müəssisəsi iştirak edib.
Abbasovun sözlərinə görə, dekabrın əvvəlində layihə uğurla başa çatdırılıb və yekun hesabat sifarişçiyə - Dövlət Əmlakının İdarə Edilməsi üzrə Dövlət Komitəsinə təqdim edilib. Layihə çərçivəsində özəlləşdirilmiş müəssisələr fərdi qaydada dəstəklənib.
İdarənin mütəxəssisləri Latviyaya səfər edib, burada xarici təcrübəni mənimsəyib, onu öz fəaliyyətlərində istifadə imkanı qazanıblar, - Finre Conculting-in rəhbəri deyib. Bundan başqa, sektorun maliyyə təminatının informasiya bazası və müəssisələrin maliyyə ehtiyatlarına çıxış potensialını artırmaq üçün metodik materiallar da hazırlanıb. Kənd təsərrüfatı müəssisələri xarici əlaqələrin qurulması və beynəlxalq bazarlara çıxış üçün zəruri informasiya alıblar.
"Layihə çərçivəsində hazırlanmış tövsiyələrin müəssisələrdə tətbiqi ümumilikdə onların fəaliyyətinin müasir tələbələrə uyğun təşkilini təmin edəcək və rəqabəqabiliyyətliliklərini artıracaq", - Abbasov vurğulayıb.
Finre Consulting Konsaltinq Şirkəti cari ilin avqustundan konsaltinq xidmətlərinin göstərilməsinə başlayıb. Layihənin əsas məqsədi - strateji və biznes-planların hazırlanmasında, beynəlxalq standartların bazasında mühasibat uçotu və maliyyə hesabatlılığının tətbiqində, korporativ idarəetmənin qurulmasında, marketinq siyasətinin təkmilləşdirilməsi və keyfiyyət sertifikatlarının alınması üzrə tövsiyələrin verilməsində şirkətlərə konsaltinq xidmətlərinin göstərilməsidir.
Müəlliflə əlaqə saxlamaq üçün elektron ünvan: [email protected]
