İran, Tehran, 13 yanvar/ Trend , müxbir A.Namdari/ İran və Malayziyanın bankçılıq sahəsində təcrübə mübadiləsi məqsədilə yanvarın 20-də Tehranda birgə seminar keçiriləcək.
Seminar iştirakçıları dünyanın hər yerində islam maliyyə sisteminin inkişaf etdirilməsi və bu sisteminin dünya xalqlarına öyrədilməsi yollarını araşdıracaqlar.
Seminarda Malayziyanın Beynəlxalq İslam Maliyyə Təhsil Mərkəzinin sədri Əqil Nat, bu Mərkəzdə proqramlaşdırma və idarəetmə qrupunun direktoru Seyid Əl-Həmid Əl-Cənid, Islam Bankçılıq Qrupunun direktoru Seyid Osman Əl-Həbəşi iştirak edəcəklər. Onlar islam bankçılığı sahəsində təcrübələrini iranlı bankirlərlə bölüşəcəklər.
Seminarda İran tərəfdən İİR-in iqtisadiyyat nazirinin sığorta və bankçılıq üzrə müavini Mustafa Purməhəmmədi, İranın bank rəhbərləri, İslam Respublikası İxracat Fondunun rəhbərləri iştirak edəcəklər.
Seminar İran İxracatın İnkişafı Bankının təşəbbüsü ilə keçiriləcək.
Müəlliflə əlaqə saxlamaq üçün elektron ünvan: [email protected]