...

AYİB 2008-ci ildə Azərbaycan iqtisadiyyatına 100 milyon dollardan çox sərmayə yatırıb

Biznes və iqtisadiyyat xəbərləri Materials 6 Fevral 2009 19:18

Trend-i buradan izləyin

Azərbaycan, Bakı, 06 fevral / Trend , müxbir N.İsmayılova/ "AYİB 2008-ci ildə Azərbaycan iqtisadiyyatına 114 milyon dollardan çox sərmayə yatırıb", -  Bankın Azərbaycandakı nümayəndəliyinin rəhbəri Frensis Deley bildirib.

Bu vəsaitlər ölkədə 19 layihənin maliyyələşdirilməsinə yönəldilib.

"AYİB-in Azərbaycanda qeyri-neft sektorunda fəaliyyət göstərən yerli şirkətlə həyata keçirdiyi 15 milyon dollarlıq ən böyük sövdələşmə, yod hasilatı və emalı ilə məşğul olan zavod, Azer-Yod LLC-yə yönəldilən sərmayə olub", - Deley bildirib.

10 milyon dollar məbləğində ikinci kredit ötən il Bank Respublika-ya ipotekanın maliyyələşdirilməsi üçün ayrılıb. Nümayəndənin sözlərinə görə, ipoteka kreditlərinin bu cür maliyyələşdirilməsi AYİB üçün Azərbaycanda bu qəbildən ilk addım olub. 

"Ötən il üçün layihələrimizin qalan hissəsi, əsasən müxtəlif maliyyə təşkilatlarına kreditlər, eləcə də onlardan bəzilərində kapital iştirakı olub, - Deley qeyd edib. - Daha dörd layihə aqrar, telekommunikasiya, nəqliyyat, eləcə də daşınmaz əmlak sektorunda həyata keçirilib".

Ümumilikdə, AYİB Azərbaycanda 90 layihə həyata keçirib ki, bunlara qoyulan sərmayənin məbləği 1,2 milyard dollar təşkil edib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti