Türkmənistan, Aşqabad, 12 fevral / Trend , E.Həsənov/ Bu gün Yurqen Yuqeterinqin rəhbərliyi altında Niderlandın Milli İnkişaf Bankını təmsil edən nümayəndə heyəti Türkmənistanın Maliyyə və İnkişaf nazirlikləri ilə danışıqlar aparacaq. Bu barədə Türkmənistan KİV-i məlumat verib.
Tərəflər ölkənin Milli Bankında artıq görüşüblər. Burada onlar Türkmənistanın yürütdüyü siyasətlə tanış olublar, qonaqlar əsas marağına səbəb olan informasiya isə maliyə-kredit və bank sahələrində aparılan islahatlar olub. Qeyd edək ki, bu islahatlar nəticəsində milli valyuta - manatın denaminasiyası baş verib.
Danışıqların əsas mövzusunu investisiya sahəsində əmakdaşlıq məsələləri təşkil edib.
Niderland Milli Bankı Avropanın böyük maliyyə institutlarından hesab olunur və investisiya layihələrinin maliyyələşdirilməsində fəal iştirak edir. TDX-nin verdiyi məlumata görə, Türkmənistanın apardığı "açıq qapı" siyasəti və ölkədə yaranan əlverişli şərait sayəsində Niderland bankları Türkmənistana investisiya yatırmaq və özəl sahibkarlıqla məşğul olmaq niyyətindədirlər.
Məqalə müəllifi ilə əlaqə saxlamaq üçün ünvan - [email protected]
