Azərbaycan, Bakı, 24 fevral/ Trend , müxbir S.Əliyev/
Azərbaycan Nəqliyyat Nazirliyi Bakının girəcəyində bu yaxınlarda istifadəyə verilən yeni avtovağzal üçün avtobusların dayanması üçün keçmiş Motodromun yerini meydança qismində yenidən qurur. Bu barədə Azərbaycanın nəqliyyat naziri Ziya Məmmədov bildirib.
"Hazırda motodrom yoxdur, biz avtobusların sayının çox olması səbəbindən onun ərazisini yenidən qurur və asvaltlayırıq. Bu meydançanı avtobuslar üçün dayanacaq edirik", - deyə Məmmədov bildirib.
Hazırda iri avtomobil qovşağında yerləşən avtovağzalın köçürülməsində əsas məqsəd şəhərə gələn və şəhərdən çıxan apvtomobillərin hərəkətində gərginliyi azaltmaqdır.
Yeni avtovağzalın tikintisi zamanı sərnişinlərin istirahəti və rahatlığı üçün hər bir şərait yaradılıb. Bu məqsədlə kompleksin ərazisində mehmanxana və ticarət mərkəzi tikilib. Avtovağzalın tikintisinə 2004-cü ildə başlanıb. Yeni avtovağzalın sutkalıq buraxlış imkanları 800-900 avtobusdur. Vağzal sutkada 20 minədək sərnişinə xidmət göstərə bilər. Avtovağzalın yeraltı hissəsində 1100 maşınlıq avtodayanacaq inşa edilib, birinci və ikinci mərtəbələrdə 1500 ticarət obyekti, üçüncü mərtəbədə isə məişət xidmətləri üçün platforma və obyektlər yerləşəcək.
Məqalə müəllifi ilə əlaqə ünvanı - [email protected]
