Gürcüstan, Tbilisi, 17 mart / Trend , müxbir N.Kirtsxaliya /
Gürcüstan parlamentinin Səhiyyə Komitəsinin sədri Otar Toidzenin sözlərinə əsasən, Gürcüstanda sığorta şirkətlərinin fəaliyyətinə prezidentin sərancamına əsasən, hökumətdə yaradılmış sığorta-texniki məsələlərlə bağlı şura nəzarət edəcək.
Şuranın tərkibinə səhiyyə naziri, səhiyyə nazirinin müavinləri, Səhiyyə Nazirliyinin departament başçıları, deputatlar, ilkin səhiyyə ocaqları və sığorta şirkətləri rəhbərləri daxildir.
Şuranın ilk yığıncağı yaxın günlərdə keçiriləcək.
Gürcüstan prezidenti Mixail Saakaşvili sığorta şirkətlərinin düzgün fəaliyyət göstərmələrinə şübhə etdiyini bildirərək, insanları aldatmalarına son qoymağa çağırıb.
Məqalə müəllifi ilə əlaqə ünvanı: [email protected]