Azərbaycan, Bakı, 16 aprel / Trend /
Azərbaycan Prezidenti İlham Əliyev "Arıçılıq haqqında" qanunun tətbiq edilməsi barədə fərman imzalayıb.
Sənəddə deyilir ki, qanunun tətbiqinin təminatı üçün ölkənin Nazirlər Kabinetinə iki ay ərzində fəaliyyətdə olan qanunvericilik aktlarını "Arıçılıq haqqında" qanuna uyğunlaşdırmaq və ölkə başçısına təqdim etmək, ölkə başçısını Nazirlər Kabineti və icra orqanlarının normativ-hüquqi aktların qanuna uyğunlaşdırılması barədə məlumatlandırmaq tapşırılıb.
Sənədə əsasən arıçılıq sahəsində dövlət nəzarətinin həyata keçirilməsi qaydalarını müəyyən etmək və onu ölkə Prezidenti ilə razılaşdırmaq, arı pətəklərinə veterinar-sanitar pasportların verilməsinin qayda və formasını, həmçinin arı təsərrüfatlarının uçotu qaydalarını müəyyən etmək, xarici ölkələrdə arıçılıqda istifadə olunan inventar və avadanlığın ölkəyə gətirilməsi qaydası və məhdudlaşdırılması və başqa tədbirlərin həyata keçirilməsi lazımdır.
Fərman imzalandığı gündən qüvvəyə minir.
