Azərbaycan, Bakı, 20 aprel / Trend , müxbir S.Babayeva /
"Azərbaycanda 2009-cu ildə "quş qripi" virusundan xəbərdarlıq üzrə dördüncü monitorinq bu gün başlanılıb", - Kənd Təsərrüfatı Nazirliyi yanında Dövlət Veterinar Xidmətinin mətbuat katibi Yolçu Xanvəli məlumat verib.
"Monitorinq Abşeron yarımadasında başlayıb və mayın 1-dək davam edəcək", - Xanvəli deyib.
Monitorinq Səhiyyə, Kənd Təsərrüfati, Ekologiya və Təbii Sərvətlər nazirliklərinin əməkdaşları və Ovçular Cəmiyyətinin nümayəndələrinin daxil olduğu xüsusi qrup tərəfindən həyata keçirilir.
Əvvəlki üç monitorinq ölkədə "quş qripi" virusunu müəyyən etməmişdi.
Xanvəli bildirib ki, Azərbaycanda "quş qripi" ilə bağlı epizootik durum sabit hesab olunur və nəzarət altındadır. Amma bununla yanaşı ölkə ərazisində monitorinqlər iyuna qədər davam etdiriləcək.
Məqalə müəllifi ilə əlaqə ünvanı: [email protected]