Azərbaycan, Bakı, 30 aprel / Trend , müxbir Ü.İsmayılova /
Azərbaycan daşınmaz əmlak bazarının likvidliyi hazırda 62-63% təşkil edir. 2006-2007-ci illərdə bu rəqəm 85-86% təşkil edib. Bu barədə "MBA Group" konsaltinq şirkətinin eksperti Nüsrət İbrahimov cümə axşamı deyib.
"Daşınmaz əmlak bazarının gəlirliliyi passiv vəziyyət ucbatından 13% azalıb", - İbrahimov qeyd edib.
Onun sözlərinə görə, əvvəllər hər ay daşınmaz əmlak bazarında 4,6-7 min saziş bağlanırdısa onun 3,5 mini Bakının payına düşürdü. İbrahimov əlavə edib ki, hazırda bu göstərici 40% azalıb.
"Satış həcmi azaldığından, o cümlədən tikinti işlərinin sürəti də azalıb. 2006-2007-ci illər ərzində bazara 26-30 yeni bina çıxarılırdısa indi onların sayı bir və ya ikidən çox olmur", - ekspert deyib.
İbrahimovun sözlərinə əsasən, daşınmaz əmlak bazarında qiymətlər ötən ilin analoji dövrü ilə müqayisədə 20% azalıb. Torpaq bazarında aktivlik 50%, qiymətlər isə 30% azalıb.
Ekspertin sözlərinə görə, yaranmış vəziyyətlə bağlı olaraq bazar iştirakçıları siyahısı daralıb və bu proses 2008-ci ilin ikinci yarısında başlanıb.
"Hazırda daşınmaz əmlak bazarında maliyyə qaynaqları kimi yalnız sözügedən bazar hesabına formalaşmayan iri şirkətlər qalıb. Hətta onlar da indi qeyri-yaşayış obyektləri tikirlər.
Məqalə müəllifi ilə əlaqə ünvanı: [email protected]