...

İlin sonunadək Azərbaycanda iri avtonəqliyyat layihəsi istifadəyə veriləcək

Biznes və iqtisadiyyat xəbərləri Materials 2 May 2009 13:56 (UTC +04:00)

Azərbaycan, Bakı, 2 may / Trend , müxbir E.İsmayılov /

Cari ilin sonunadək Azərbaycan Nəqliyyat Nazirliyi Bakı-Quba-Rusiya sərhədi (16-198-ci km-lər) avtomagistralı üzrə iri tikinti və yenidənqurma işlərini tamamlayacaq. Bu barədə şənbə günü Nəqliyyat Nazirliyindəki mənbə bildirib.

"İşləri cari ilin dekabrına kimi tamamlamaq planlaşdırılıb. Bura yolun beton (16-134-cü km-lər) və qalan hissəsi (134-198-ci km-lər) aiddir", - mənbə deyib.

Məlumatı verən mənbə əlavə edib ki, hazırda yolun beton hissəsinin tikinti işləri gedir. Yolun beton hissəsinin inşasını "Akkord" şirkətlər qrupu aparır.

Bakı-Quba-Rusiya sərhədi yolunun 118 km-lik beton hissəsinin tikintisi Avropa Yenidənqurma və İnkişaf Bankının maliyyə dəstəyi ilə həyata keçirilir. Avtomagistralın ümumi uzunluğu 208 km təşkil etsə də, yenidənqurma işlərindən sonra yolun uzunluğu 198 km olacaq.

Layihənin ilkin dəyəri 400 milyon ABŞ dollar təşkil edib. Lakin beton yolun salınması qərara alındıqdan sonra layihə iki dəfə bahalaşaraq xərclər 800 milyon dollara çatıb.

Tikinti işləri aparılan yol boyunca 21 körpünün salınması nəzərdə tutulub. Beton örtüyünün qalınlığı, bu istiqamətdə böyük həcmdə yükdaşımaları həyata keçirildiyindən 28 sm təşkil edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti