...

Azərbaycanda ilk ipoteka istiqraz emissiyalarına hazırlıq başa çatmaq üzrədir

Biznes və iqtisadiyyat xəbərləri Materials 27 May 2009 14:10 (UTC +04:00)

Azərbaycan, Bakı, 27 may / Trend /

Azərbaycan Milli Depozitar Mərkəzi (MDM) ilə Mərkəzi Bankın nəzdində fəaliyyət göstərən Azərbaycan İpoteka Fondu (AİF) arasında çərşənbə günü müqavilə imzalanacaq. Müqaviləyə əsasən, ipoteka kreditləri üzrə problemlərin ortaya çıxacağı hallarda sərəncam vermək səlahiyyətləri Mərkəzə veriləcək. Bu barədə çərşənbə günü Azərbaycanın Qiymətli Kağızlar üzrə Dövlət Komitəsinin (QKDK) sədri Rüfət Aslanlı bildirib.

AİF iyunun 1-dən ipoteka istiqrazlarının buraxılması vasitəsilə ipoteka kreditləşməsini bərpa edəcək. Bununla əlaqədar olaraq Depozitar Mərkəz problemli vəziyyətlər yaranacağı təqdirdə sərəncamçı rolunu oynayacaq.

"Dünən MDM ilə AİF arasında qarşılıqlı münasibətlərin rəsmiləşdirilməsi məqsədi ilə sənəd mübadiləsi aparılıb və bu gün biz müzakirələri davam etdirəcək və müqavilə bağlayacağıq", - deyə Aslanlı bildirib.

Onun sözlərinə görə, ondan sonra qeydiyyat üçün ipoteka istiqrazları emissiyaları prospekti QKDK-ya təqdim olunacaq. Aslanlı parametrləri açıqlamaqdan hələ ki, imtina edib.

Aslanlının sözlərinə görə, ipoteka istiqrazlarının qeydiyyatından sonra "Fond birjası vasitəsilə istiqrazların yerləşdirilməsi üçün hazırlığı başa çatdıra biləcək".

"İpoteka kreditlərinin verilməsi bank vəsaitləri hesabına reallaşdırılacaq, buna görə kredit verildikdən sonra banklar əlavə təkrar maliyyələşdirilmə üçün AİF-ə müraciət edəcək, bununla bağlı olaraq ipoteka kreditləşməsinə başlamaq üçün ilkin şərt qiymətli kağızların yerləşdirilməsidir", - deyə QKDK-nın rəhbəri bildirib.

Onun sözlərinə görə, bunun üçün İpoteka Fondu bank-agentlərə müvafiq göstərişlər verməlidir, "Məndə olan informasiyaya görə, onlara artıq belə göstərişlər verilib".

"İpoteka Fondu tərəfindən buraxılan qiymətli kağızlar bondlarla təmin edilmiş hesab olunur", - deyə Aslanlı bildirib.

Xəbər lenti

Xəbər lenti