Türkmənistan, Aşqabad, 01 iyun / Trend , müxbir H.Həsənov /
Aşqabadda Azərbaycan, Qazaxıstan, Tacikistan, Türkmənistan və Özbəkistanın iştirakı ilə İslam İnkişaf Bankının (İİB) "Maliyyələşdirmə və İİB qruplarının imkanları" mövzusunda seminarı keçirilib.
İİB bank əməkdaşları və onun investisiya fondları, digər iştirakçılar isə müvafiq qurumların mütəxəssisləri tərəfindən təmsil edilib. Seminar çərçivəsində MDB ölkələrində İİB tərəfindən həyata keçirilmiş layihələrin prezentasiyası olub.
Bank missiyası İİB-nin iş metodları, onun struktur bölmələri və xüsusi proqramları, şəriət qanunlarına uyğunlaşdırılmış maliyyələşdirmənin əsas prinsipləri haqqında məlumat veriblər. Əsas məqsəd İİB iştirakçısı olan ölkələrin və müsəlman icmalarının sosial-iqtisadi inkişafının dəstəklənməsidir. Maliyyələşdirmə sferalarına energetika, nəqliyyat, rabitə, kənd təsərrüfatı, tikinti və iqtisadiyyatın digər sahələri daxildir.
Səhiyyənin, təhsilin və elmin inkişafının dəstəklənməsində priroritetlər mövcuddur. İİB dövlət və özəl sektorda faizsiz borcların verilməsi, möhlətli satış, kapitalda iştirak və digər vasitələrlə layihələri maliyyələşdirir.
Məqalə müəllifi ilə əlaqə ünvanı: [email protected]