Azərbaycan, Bakı, 05 iyun / Trend /
İyulun 2-dən "Azərbaycan Hava Yolları" QSC Bakı-Paris-Bakı və Bakı-Milan-Bakı aviareyslərinin vaxtında dəyişikliklər etməyi planlaşdırır. Bu barədə cümə günü QSC-dən bildirilib.
Bakı-Milan-Bakı reysləri iyulun 2-dən həftədə iki dəfə həyata keçiriləcək və təyyarə Bakıdan yerli vaxtla saat 19:30-da hərəkət edəcək. Hazırda Bakı-Milan-Bakı reysləri bazar ertəsi və cümə günləri yerli vaxtla saat 09:00-da həyata keçirilir. Bu istiqamətdə uçuşların qrafikində olunacaq dəyişiklər reyslərin hayata keçirildiyi günlərə aid edilməyəcək.
Bakı-Milan-Bakı reysi ilə birtərəfli uçuş biletinin qiyməti 424 manat, ikitərəfli isə 620 manat təşkil edir.
Eyni zamanda Bakı-Paris-Bakı reyslərinin vaxtında da dəyişikliklərin edilməsi planlaşdırılır. Bu istiqamətdə reyslər çərşənbə axşamı, cümə axşamı, cümə və bazar günləri yerli vaxtla saat 19:00-da həyata keçiriləcək. Hazırda bu istiqamətdəki reyslər çərşənbə axşamı və şənbə günləri Bakı vaxtı ilə saat 07:10-da, cümə axşamı və bazar günləri isə saat 19:00-da həyata keçirilir.
Bu istiqamətdə birtərəfli uçuş biletinin qiyməti 424 manat, ikitərəfli isə 650 manat təşkil edir.
