Azərbaycan, Bakı, 09 iyun / Trend , müxbir U.İsmayılova /
Baxmayaraq ki, AİF kreditlərin verilməsini iyunun 1-dən etibarən bərpa edib, Azərbaycan Mərkəzi Bankı yanında İpoteka Fonduna (AİF) kreditlərin verilməsi üçün heç bir bank agenti tərəfindən müraciət olunmayıb, deyə çərşənbə axşamı AİF-dan bildirilib.
"Hər şeydən öncə bu müəyyən vaxt tələb edən sənədlərin toplanması ilə əlaqədardır", - deyə fonddan bildirilib.
Azərbaycanın ipoteka fondu kreditlərin verilməsini vəsait çatışmaması səbəbindən 2007-ci ilin yayından etibarən dayandırmışdı.
Kredit verilməsinin bərpa olunması zamanı AİF onların verilmə şərtlərini dəyişdirməyib. Adi kreditin maksimal məbləği 50 min manat, güzəştli 35 min manat təşkil edir. Adi kredit üçün maksimal illik faiz 8 faiz, güzəştli 4 faiz, adi kreditin maksimal - 25 il, güzəştli -30 il, adi və güzəştli kreditlər üçün ilkin ödəniş 15 faiz təşkil edir.
Kreditlər milli valyutada - manatla və yalnız Azərbaycan vətəndaşlarına verilə bilər; ipotekanın predmeti yalnız mənzil və özəl evlər ola bilər, kreditin məbləği ipoteka üçün girov verilən daşınmaz əmlakın bazar qiymətinin 85 faizini ötməməlidir; kredit üçün aylıq ödəmə borc götürən şəxsin maaşının 70 faizini ötməməlidir; həyat sığotası haqqında müqavilə tələb olunur.
Güzəştli kreditlərə çıxış imkanına şəhid, milli qəhrəmanların, məcburi köçkünlərin ailə üzvləri, üç ildən çox stajı olan dövlət qulluqçuları, elmlər namizədi və doktorları, idmanda xidmətləri olan şəxslər, həmçinin minimum üç ay hərbi xidmət stajı olan şəxslər malik olacaq. Güzəştli ipoteka krediti almaq hüququ olan hər bir ailə bu imkandan yalnız bir dəfə yararlana bilər.
İyunun 9-na olan rəmi məzənnə 0,8039 AZN/USD təşkil edir.
Məqalə müəlifi ilə əlaqə ünvanı: [email protected]
