Azərbaycan, Bakı, 10 iyul / Trend , müxbir İ.Xəlilova /
FİNCA Azerbaijan qeyri-bank təşkilatı xarici investorlarla onun bazasında bank yaradılmasında səhmdar olmaq mövzusunda danışıqlar aparır. Bu barədə cümə günü Finka Azerbaijan-ın əməliyyat meneceri Kamran Abdullayev məlumat verib.
"Baş ofisimizin planına görə, bu danışıqlar 2009-cu ilin sonlarına qədər başa çatmalıdır və yalnız yeni bankın səhmdarları heyəti müəyyənləşdikdən sonra bank fəaliyyəti üçün baş lisenziyanın alınmasına dair Azərbaycanın Mərkəzi bankına müraciət etmək niyyətindəyik", - Abdullayev deyib.
Hazırda Finka Azerbaijan-ın tam təsisçisi Finka İnternational beynəlxalq təşkilatıdır.
Finka Azerbaijan-ın respublika ərazisi üzrə ölkənin bütün rayonlarını əhatə edən 24 filialı fəaliyyət göstərir. Bir filial üç-dörd regonun fəaliyyətini birləşdirir. Bu gün Finka Azerbaijan-ın fəal müştərilərinin kredit portfeli 66 milyon dollardan yuxarı kredit portfeli üzrə 82 mini keçib. İlin sonuna kimi müştəri bazasının 100 minə çatdırılması planlaşdırlır.
FİNCA Azerbaijan ölkənin aparıcı qeyri-bank kredit təşkilatlarından biridir. Təşkilat 1998-ci ildə yaradılıb, dünyanın 22 ölkəsində fəaliyyət göstərən Finca İnternational mikromaliyyə strukturunun bir hissəsidir.
Məqalə müəllifi ilə əlaqə ünvanı: [email protected]