Azərbaycan, Bakı, 10 iyul / Trend , müxbir İ. Xəlilova /
Azərbaycanda hazırkı layihələrin icmalı üçün Ərəb iqtisadiyyatının Səudiyyə İnkişaf Fondu iyulun 30-da Bakıya missiya göndərəcək. Bu barədə cümə günü hökumətdən bildiriblər.
Bu günlərdə Səudiyyə Fondunun Direktorlar Şurası Bakıətrafı kənd və qəsəbələrin su təchizatı və kanalizasiya sistemin tikilməsi və yenidənqurulması layihəsinin maliyyələşdirilməsi üçün 93,75 milyon Səudiyyə rialı (təxminən 25 milyon dollar) həcmində kredit ayrıldığını bəyan edib. İstisna deyil ki, fond missiyası hökumətin müzakirəsinə təqdim etmək üçün özü ilə kredit razılaşması layihəsi də gətirəcək.
Səudiyyə Fondu layihələrin dəyərinin 50 faizini maliyyələşdirir, yerdə qalan hissəni isə Azərbaycan hökuməti öz üzərinə götürür. Kredit resursları 5 illik güzəştli dövrlə 20 il müddətinə, illik iki faizlə verilib. Layihənin həyata keçirilmə dövrü və onun əhatəsi hələ müəyyənləşdirilməyib.
Bu günə qədər fond Azərbaycanda üç layihə maliyyələşdirib. Bakıda beş məktəbin tikintisi üçün 9,5 milyon dollar, Samur-Abşeron kanalının Vəlvələçay-Taxtakörpü hissəsinin yenidən qurulması üçün 18 milyon dollar və Gəncə-Yevlax avtomagistralı üçün 13 milyon dollar ayrılıb.
Məqalə müəllifi ilə əlaqə ünvanı: [email protected]
