Azərbaycan, Bakı, 22 iyul / Trend /
Azərbaycanın Atabank bankının aktivləri keçən ilin müvafiq dövrü ilə müqayisədə 51,1% artaraq, iyulun 1-nə 176,4 milyon manat təşkil edib. Aktivlərin artımı 59,7 milyon manat olub.
Hesabat dövrü ərzində kredit portfeli 34,6 % və ya 31,0 milyon manat artaraq, 120,7 milyon manata bərabər olub.
Bu dövr ərzində bankın müddətli depozit portfeli 50,6 milyon manat və ya 74,8% artaraq, 118,2 milyon manatı keçib. Son 1 il ərzində fiziki şəxslərin müddətli depozitləri 29,7% və ya 13,9 milyon manat artaraq, 60,8 milyon manat təşkil edib.
2009-cu ilin ilk 6 ayı ərzində AtaBank-ın balans mənfəəti 2,9 milyon manat olub.
İyulun 22-nə olan rəsmi məzənnə 0,8042 AZN/USD təşkil edir.