Qazaxıstan, Astana, 19 avqust / Trend , müxbir K.Konırova /
Qazaxıstan toxumunun Qara dəniz Batumi limanına tədarükü bir ton üçün 70-75 dollar təşkil edir. Bu barədə Trend -ın xüsusi müxbirinə anonimlik şərti ilə, böyük özəl taxıl şirkətindən məlumatlı mənbə bildirib.
"Kostanay vilayətinin (Qazaxıstanın şimalında əsas taxıl regionlarından biri) elevatorlarından Qazaxıstan taxılının Gürcüstanın Qara dəniz Batumi limanına tədarükü bir ton üçün 70-75 dollar təşkil edir. Limanın taxılın boşaldılması üzrə xidmətləri bir ton üçün dörd-beş dollardır", - həmsöhbət deyib.
O, Batumi limanına tədarük edilən Qazaxıstan taxılının ümumi həcmi barədə məlumat verməkdən imtina edib.
"Ərzaq müqaviləsi korporasiyası MŞ" SC mütəxəssislərinin fikrincə, Qazaxıstan yaxın illərdə öz taxılını cənub-mərkəzi Asiya ölkələri, Əfqanıstan və İran istiqamətində yönəldəcək.
"Qara və Aralıq dənizi limanlarına bahalı nəql öz növbəsində Qazaxıstan taxılının qiymətini çox bahalaşdırır və müvafiq olaraq daha az rəqabətədavamlı vəziyyətə gətirir ki, bu da onun dünya bazarlarında realizəsini çətinləşdirir", - MŞ-nin nümayəndəsi bildirib.
Bir müddət əvvəl məlumat verilmişdi ki, artıq Qazaxıstan Bakı limanında paritet əsasında taxıl terminalı tikib. Bu il sentyabrın sonunda İranın Əmirabad limanında da taxıl terminalının tikintisi planlaşdırılır.
"Əmirabad taxıl terminalı" İB-də Qazaxıstanın "Ərzaq müqaviləsi korporasiyası MŞ" SC və İranın "Behdis Tecerad Albor" şirkəti bərabər paya malikdirlər. Layihənin ümumi dəyəri 20 milyon dollardır.
Bu terminalın illik buraxılış gücü, eyni zamanda 50-63 min ton saxlama həcmi ilə 500-700 min ton olacaq. Sonradan bu rəqəm ildə bir milyon tona qədər artırıla bilər.
"Əmirabad taxıl terminalı" İB qazax və İran şirkətləri tərəfindən ötən il xüsusi olaraq bu layihənin realizəsi üçün yaradılıb. Onun əsas məqsədi İranın yüksək keyfiyyətli qazax taxılı ilə təmini, həmçinin Qazaxıstan taxılının qonşu ölkələrə tranziti və İranın Fars körfəzindəki cənub limanları vasitəsilə üçüncü ölkələrin bazarlarında swap-əməliyyatların aparılmasıdır.
Terminalın tikintisinin başa çatdırılması 2009-cu ilin dekabrına nəzərdə tutulub. Əmirabad dəniz limanı Xəzər dənizində magistral şəbəkəyə çıxışı olan dəmiryol qoluna malik yeganə İran limanıdır. Üstəlik, liman azad ticarət zonasında yerləşir və "Şimal-Cənub" dəhlizi ilə tranzit yüklərin boşaldılması üzrə İran limanları arasında birinci yeri tutur.
Taxıl terminalının tikintisi perspektivli İran və Fars regionu bazarlarında qazax ixracatçılarının mövcudluğunun möhkəmləndirilməsi və genişləndirilməsi üçün infrastrukturu təmin edəcək.
"Ərzaq müqaviləsi korporasiyası MŞ" SC mütəxəssislərinin məlumatına görə, logistik xəttin yaradılması məsələsi və İranın digər dəniz imanı İmam Xomeynidə taxıl terminalının tikintisinin mümkünlüyünün nəzərdən keçirilməsi də planlaşdırır.
"Bu layihə İran tərəfindən qəbul edilib", - şirkətdən bildirilib.
Məqalə müəllifi ilə əlaqə ünvanı: [email protected]
