Azərbaycan, Bakı, 19 avqust / Trend , müxbir Ü.İsmayılova /
Azərbaycanın "Azergarant Sigorta" şirkəti sığorta agentlərinin siyahısını genişləndirmək niyyətindədir. Bu barədə çərşənbə günü sığorta şirkətinin İdarə Heyətinin sədr müavini Şükür Hüseynov deyib.
"Hazırda şirkətin Maliyyə Nazirliyində attestasiyadan keçmiş yeddi lisenziyalı sığorta agenti var", - Hüseynov deyib.
Onun sözlərinə görə, növbəti imtahanda avqustun 21-də Maliyyə Nazirliyində şirkətin daha bir agenti attestasiyadan keçəcək.
Hüseynov deyib ki, agentlərin məcburi lisenziyalaşdırılması bazar portfelinin təxminən 50 faizini dolduran agentlərin sayının bazarda azalmasına gətirib çıxarsa da, bu, əməkdaşların peşəkarlığının yaxşılaşdırılmasına kömək edib.
İdarə Heyətinin sədr müavini həmçinin deyib ki, gələcəkdə biznesin inkişafı ilə yanaşı, şirkət sığorta agentlərinin ayrıca şirkətinin yaradılması ehtimalını da istisna etmir.
"Bu gün şirkət müştərilərinə paytaxtda və regionlardakı filial və nümayəndəlikləri vasitəsilə xidmətlərini təklif edir", - Hüseynov deyib.
Azərbaycanda sığorta agentlərinin məcburi attestasiyası 2008-ci ilin martında qəbul edilmiş "Sığorta fəaliyyəti haqqında" qanuna əsasən keçirilir.
"Azergarant" ASC sığorta bazarında 1993-cü ildən fəaliyyət göstərir. Şirkət 26 növ sığorta xidməti göstərir ki, onların 4-ü məcburidir. Şirkətin nizamnamə kapitalı 1,8 milyon, balans gəliri 237,1 min manatdır.
Şirkətin fəaliyyətdə olan filiallarını sayı üç, nümayəndəliyinin sayı ikidir.
Avqustun 19-na olan rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]
