Azərbaycan, Bakı, 21 avqust / Trend , müxbir Ü.İsmayılova /
Azərbaycanın Dövlət Taxıl Fonduna 716 ton taxıl daxil olub, bu barədə rəsmi mətbuatda yerləşdirilən müsahibəsində FHN yanında fondun İdarə Heyətinin sədri Zülfüqar Məmmədov bildirib.
Onun sözlərinə əsasən, ölkədə artıq iki milyon ton taxılın istehsal edilməsinə baxmayaraq, fermerlər tərəfindən fondun dəyirmanlarına təhvil verilən taxılın miqdarı azdır.
"Hər bir dəyirmanın sutkalıq gücü 500 tonu ötür", - Məmmədov bildirib.
Fond fermerləri dəyirmanlara taxıl verməkdə tələsməyə çağırır, dəyirmanlara veriləcək taxıl məhsulunun nümunəsi isə müvafiq laboratoriyalara təqdim olunmalıdır.
Məmmədov bildirib ki, fond tərəfindən yüksək keyfiyyətli taxılın alınması sentyabrın 30-na kimi davam edəcək. Fond taxılın hər tonu üçün 180 manat ödəyəcək. Qəbul edilən taxılın keyfiyyəti Nazirlər Kabineti tərəfindən təsdiq edilən normalara əsasən müəyyən ediləcək.
"Fondun hər bir anbarının gücü 300 min ton təşkil edir və hazırda 60 min ton gücündə əlavə anbarın inşası davam etdirilir", - Məmmədov bildirib.
Məqalə müəllifi ilə əlaqə ünvanı: [email protected]
