Gürcüstan, Tbilisi, 21 avqust / Trend , müxbir N.Kirsxaliya /
"Gürcüstanın Baş naziri yeni iqtisadi inkişaf nazirini iki həftə ərzində təqdim etməlidir", - cümə günü hökumət iclası başlamazdan əvvəl parlament katibi Qiya Xuroşvili deyib.
"Prosedura əsasən, bir nazirin təyinatı üçün parlamentin razılığı tələb olunmur", - o bildirib.
Xuroşvilinin sözlərinə görə, nazir postuna nəzərdən keçirilən namizədlərin adları və artıq sabiq iqtisadi inkişaf naziri Laşa Jvaniyanın öz fəaliyyətini harada davam etdirəcəyi ona məlumdur.
İqtisadi inkişaf nazirini tutduğu vəzifədən cümə günü istefaya göndəriblər. Səbəb kimi özəlləşdirmə gəlirlərinin azalması, sərmayələrin cəlbindəki maneələr və qurumun digər nazirliklərlə koordinasiyasız fəaliyyəti göstərilib.
Məqalə müəllifi ilə əlaqə ünvanı: [email protected]
