Azərbaycan, Bakı, 29 avqust / Trend , müxbir İ.Xəlilova /
Almaniya-Azərbaycan Fondu (AAF) beynəlxalq maliyyə təşkilatları xətti üzrə yeni kreditlərin alınmasına ümid etmir və gələcəkdə bankların maliyyələşdirilməsini qazanılmış vəsait hesabına davam etdirəcək. Şənbə günü AAF-in texniki meneceri Andreas Franke bildirib.
AAF-in yaradılması üzrə müqavilə 1999-cu ildə imzalanıb, kreditlərin verilməsinə Almaniyanın İnkişaf Bankı KfW-in krediti hesabına 2001-ci ilin mart ayından başlanılıb. AAF-in tərəfdaşları sırasına Bank of Baku və Unibank (2001-ci ilin mart ayından), 2003-cü ilin yanvar ayından Parabank və Bank Respublika, 2004-cü ilin sentyabrından Azərdəmiryolbank və Agbank, 2006-ci ilin dekabr ayından Rabitə Bank və Muğan Bank, 2007-ci ilin fevralından Nikoil Bank daxildir.
"Qlobal maliyyə böhranı ümumilikdə AAF-in fəaliyyətində dəyişikliklərə səbəb olmayıb, sadəcə Azərbaycanın bank sistemində ümumi kreditləşmənin azalması səbəbindən 2008-ci ilin ortalarında fondun dövriyyəsi azalmağa başlayıb. Lakin hazırda böhran dövr artıq arxada qalıb", - Franke bildirib.
Onun sözlərinə əsasən, fondun bütün tərəfdaşr bankları kreditləşməni bərpa edib və onlardan heç biri likvidlik problemi yaşamır. Hazırda AAF vəsaitlərindən birdəfəlik kredit alınmasının maksimum limiti hər bir bankda 2-2,5 milyon avro təşkil edir.
2009-cu ildə dövriyyə artıq beş milyon avro təşkil edib, ümumilikdə isə il ərzində bu göstərici adətən 8-10 milyon avroya bərabər olur. Sözügedən tendensiya səkkiz il ərzində saxlanmaqdadır. AAF vəsaitlərinin yerləşdirilməsi üzrə cari portfel hazırda 11,5 milyon avro civarında dəyişir. Frankenin sözlərinə əsasən, ilin sonuna kimi o, 12 milyon avronu ötəcək.
Fond vasitəsilə digər beynəlxalq təşkilatların banklara verilən kredit ehtiyatları da istifadə edilə bilər. Belə ki, bu ehtiyatlar onların portfelinə daxil olur. Lakin bu mexanizm hazırda inkişaf etməyib, buna görə də AAF-in imkanları Almaniyanın İnkişaf bankı KfW və AYİB kreditləri hesabına məhdudlaşdırılır.
Fond tərəfindən maliyyələşdirmə 2001-ci ildə KfW krediti hesabına başlayıb. Almaniya bankı AAF-ə iki tranşla 8,7 milyon avro təqdim edib. Onların və AYİB-in kredit ehtiyatlarının mənimsənilməsi başa çatıb, çünki hazırda yerli bankların maliyyələşdirilməsi revolver hesabdan həyata keçirilir. AYİB bankların AAF vasitəsil maliyyələşdirilməsinə 2006-cı ildə Azərbaycanda mikro və kiçik sahibkarlıq üçün ictimai çərçivə maliyyə xidmətlərinin mexanizmi (AMBF-MSE) çərçivəsində qoşulub.
Ötən il AAF xətti ilə 11,5 milyon avro həcmində 4830 kredit verilib.
Məqalə müəllifi ilə əlaqə ünvanı: [email protected]
