Azərbaycan, Bakı, 04 sentyabr / Trend , müxbir Ü.İsmayılova /
Azərbaycan Nazirlər Kabineti Heydər Əliyev adına Beynəlxalq hava limanı - Mərdəkan dairəsi - Bilgəh istiqamətində (19 km) avtomobil yolunun altızolaqlı olmaqla yenidən qurulması məqsədi ilə dövlət ehtiyacı üçün yol boyunca torpaq sahələri və digər daşınmaz əmlak obyektlərinin (binalar, evlər, tikililər, qurğular və s.) alınması barədə sərəncam verib.
Nazirlər Kabinetinin qərarına əsasən, dövlət ehtiyacı üçün torpaq sahələrinin alınması Azərbaycan Nəqliyyat Nazirliyi tərəfindən həyata keçiriləcək. Torpaqların alınması 2009-cu il aprelin 4-də tətbiq olunmuş dövlət ehtiyacı üçün alınan mülk qiymətlərinin hesablanması qaydası əsasında müəyyənləşdiriləcək qiymətlərə uyğun həyata keçiriləcək.
Azərbaycan Maliyyə Nazirliyinə dövlət ehtiyacı üçün torpaq sahələrinin və digər tikililərin alınmasının maliyyələşdirilməsinə vəsaitin ayrılması tapşırılıb.
Sözügedən qərar Nəqliyyat, Maliyyə, İqtisadi İnkişaf nazirlikləri və Əmlak Məsələləri Dövlət Komitəsinin birgə müraciətinə əsasən qəbul edilib.
Qərar imzalandığı gündən - avqustun 28-dən qüvvəyə minib.
Məqalə müəllifi ilə əlaqə ünvanı: [email protected]
