Azərbaycan, Bakı, 14 sentyabr / Trend , müxbir Ü.İsmayılova /
Azərbaycanda yanvar-avqust aylarında 13,6 milyard manat və ya 2008-ci ilin yeddi ayı ərzindəki göstəricidən 3,9 faiz çox məhsul istehsal olunub. Bu barədə Azərbaycanın Dövlət Statistika Komitəsinin məlumatında deyilir.
Ümumi istehsal həcminin 73,8 faizi hasilat sənayesi, 20,4 faizi emal sənayesi və 5,8 faizi isə qaz, su və elektrik enerjisi istehsalının payına düşür.
Komitədən həmçinin bildiriblər ki, istehsalın 91,8 faizi məhsul istehsalı, 8,2 faizi isə sənaye sahəsindəki xidmətlər hesabına formalaşıb.
İstehsalın ümumi həcminin 20,8 faizi dövlət müəssisələrinin, 79,8 faizi isə özəl müəssisələrin payına düşüb.
"Demək olar ki, bütün məhsullar artıq istehlakçılara göndərilib", - komitədən bildirilib.
Məqalə müəllifi ilə əlaqə ünvanı: [email protected]