Azərbaycan, Bakı, 29 sentyabr / Trend , müxbir Ü.İsmayılova/
2009-cu ilin əvvəlindən Azərbaycanda 20-yə yaxın mehmanxana istifadəyə verilib, 60-a yaxın mehmanxananın və mehmanxana tipli obyektlərin inşası davam edir. Bu barədə çərşənbə axşamı mədəniyyət və turizm naziri Əbülfəs Qarayev mətbuat konfransında deyib.
"Azərbaycanda fəaliyyət göstərən 370 mehmanxanadan 79-u Bakıda yerləşir", - nazir deyib.
Onun sözlərinə görə, 270 mehmanxana və 227 turist şirkəti lisenziyalaşdırılıb. "Azərbaycanda mehmanxanaların tikilməsi sərmayədarlar üçün biznesin cəlbedici növüdür", - nazir belə hesab edir.
Onun sözlərinə görə, Azərbaycana gəlib-gedənlər arasında balans periodik olaraq bərabərləşir. "Əgər 6-7 il əvvəl 70 faizə qarşı 30 faiz təşkil edirdisə, indi bu göstərici 55 faizə qarşı 45 faiz təşkil edir", - nazir deyib.
Dövlət Statistika Komitəsinin məlumatına uyğun olaraq Qarayevin sözlərinə görə, Azərbaycanın turizm sektorunun gəliri 2008-ci ildə 190 milyon dollar təşkil edib.
Mədəniyyət və Turizm Nazirliyinin məlumatı ilə Dövlət Statistika Komitəsinin məlumatı üst-üstə düşmür. Statistika Komitəsi yalnız mehmanxanaların fəaliyyətinə uyğun olaraq yekunlaşdırma aparır, "bu statisitikaya suvenirlərin alınması və yeməkdən tutmuş nəqliyyatadək bütün xidmətlər daxil olmalıdır".
"Əcnəbilər Azərbaycanda istirahət etdikləri 5-6 gün ərzində 700-800 dollar xərcləyirlər. Beləliklə də ölkənin turizm sahəsinin gəlir göstəricisi 640 milyon dollar təşkil edir", - nazir hesab edir.
Məqalə müəllifi ilə əlaqə ünvanı: [email protected]