Azərbaycan, Bakı, 03 oktyabr / Trend , müxbir Ü.İsmayılova/
Avqustda ən bahalı torpaq sahəsi bir sota görə 250 min dollar olmaqla Bakının Nəsimi rayonunda, ən ucuz torpaq sahəsi isə bir sota görə 250 dollar olmaqla Suraxanı rayonunda müşahidə edilib. Bu barədə şənbə günü "Əmlak Bazarı İştirakçıları" İctimai Birliyindən verilən məlumatda deyilir.
Bakıda torpağın bir sotunun orta qiyməti yeddi faiz azalaraq 17,47 min dollar olub. İyulda bu göstərici 18,79 min dollar olub. Sahələrin ekspozisiya müddəti 1,3 faiz artaraq 237 günə çatıb. Qiymətlərin əhəmiyyətli dərəcədə azalması Sabunçu rayonunda (11,4 faiz), artımı isə Səbail rayonunda (3,8 faiz) müşahidə edilib.
Torpaq bazarında ən fəal rayonlar Binəqədi və Nərimanov, ən passiv isə Nəsimi rayonu olub.
Toplu cədvəl Bakının torpaq bazarında şəhərin zonaları üzrə qiymətlərin dəyişməsini göstərir:
|
Şəhərin zonaları |
Bir sota görə qiymət (dollarla) |
Orta qiymətlərin faizlərlə dəyişməsi |
|
I |
197863 |
-2,1 |
|
II |
114588 |
-3,5 |
|
III |
23635 |
-5,9 |
|
IV |
4781 |
-5,2 |
Avqustda bazarda təklif edilən 820,8 hektar torpağın 76,1 faizini boş sahələr təşkil edib.
Məqalə müəllifi ilə əlaqə ünvanı: [email protected]
