Gürcüstan, Tbilisi, 14 oktyabr / Trend , N.Kirsxaliya/
"Gürcüstan Azərbaycanla sitrus bitkilərinin tədarükünə dair danışıqlara başlamaq niyyətindədir", - Gürcüstanın kənd təsərüffatı naziri Bakur Kvezereli deyib.
Kvezereli bu bəyanatı Kiyevə bu gün yola düşməzdən əvvəl verib. Nazir jurnalistlərə deyib ki, onun Ukraynaya üç günlük səfərinin əsas məqsədi bu ölkəyə sitrus meyvələrinin ixrac edilməsi məsələsidir.
"Biz artıq Ukraynaya sitrus bitkilərinin ixrac etmək haqda müqaviləni rəsmiləşdirmişiq, lakin məhsulların nəqli və Ukrayna tərəfinə tədarük müddəti məsələləri dəqiqləşdirilməlidir", - nazir deyib.
Bu mövsümdə Ukraynaya 40 min ton sitrus bitkilərinin gətirilməsi planlaşdırılır.
