Azərbaycan, Bakı, 26 oktyabr / Trend , müxbir N.İsmayılova/
Yanvar-sentyabr ayları ərzində Azərbaycanda 500-ə yaxın kiçik dövlət obyekt və müəssisələri, həmçinin özəlləşdirilmiş obyekt və müəssisələrin yerləşdiyi 300 torpaq sahəsi özəlləşdirilib. Bu barədə Əmlak Məsələləri Dövlət Komitəsinin məlumatında deyilir.
Keçirilən 40 hərracda 30-a yaxın səhmdar cəmiyyətin səhmləri özəlləşdirilib.
İnvestisiya müsabiqələrinin keçirilməsi nəticəsində özəlləşdirilən müəssisələrə hesabat dövründə bu müsabiqələrin qalibləri tərəfindən 74,6 mln. manat sərmayə yatırılıb.
Ümumilikdə, investisiya müsabiqələri nəticəsində oktyabrın 1-dək özəlləşdirilən 82 müəssisəyə 475 mln. manat sərmayə yatırılıb və bu müəssisələrdə 13 min iş yeri açılıb.
Üç rüb ərzində investisiya müsabiqələrinin keçirilməsi nəticəsində özəlləşdirilən üç müəssisə özəl sahibkarlara keçib.
Oktyabrın 26-na olan rəsmi məzənnə 0,8031 AZN/USD təşkil edir.
Məqalə müəllifi ilə əlaqə ünvanı: [email protected]
