Azərbaycan, Bakı, 10 noyabr / Trend , müxbir Ü.İsmayılova/
Sentyabr ayında Bakının avtomobil bazarında orta qiymətlər 1,1 faiz artaraq 16,1 min dollar olub. Bu barədə "Əmlak Bazarı İştirakçıları" İctimai Birliyindən çərşənbə axşamı məlumat verilib.
Bakının avtomobil bazarında təkliflər 4,6%, alqı-satqı üzrə bağlanan sazişlərin dinamikası isə 2,6% artıb.
Birlik tərəfindən 7,1 min avtomobil arasında monitorinq keçirilib. Onlardan 39,1%-i sentyabr ayında bazarda təklif edilib, qalanları isə bazarda ötən aylardan qalıb.
Bakının avtomobil bazarı portfelinin böyük hissəsini Mersedes-Benz markalı avtomobil təşkil edib. Portfelin 36,9%-i bu markanın payına düşür (5,6%-lik azalma).
Bakının avtomobil bazarında təklif edilən markaılar: Mercedes-Benz (36,9%), Nissan (3,66%), Mitsubishi (4,13%), BMW (11,56%), Toyota (7,68%), Volkswagen (2,5%), Opel (3,32%), Hyundai (6,83%), VAZ (5,20%). Digər avtomobillərin payı isə 18,22% olub.
"Ofrouder" avtomobilinin bazar portfelindəki payı 26,3% təşkil edir.
Məqalə müəllifi ilə əlaqə ünvanı: [email protected]