Azərbaycan, Bakı, 23 noyabr / Trend , müxbir İ.Xəlilova/
İsveçrənin İqtisadi Əlaqələr üzrə Dövlət Katibliyi (SECO) Mərkəzi Asiya və Azərbaycanda maliyyə infrastukturlarının möhkəmlənməsi üzrə layihənin məbləğinin 92,3%-ni maliyyələşdirməyə hazırdır. Beynəlxalq Maliyyə Korporasiyası 2009-cu ildə bu layihənin realizəsinə başlayıb.
Bazar ertəsi SECO-nun Azərbaycanda milli proqramının rəhbəri Nailə Səfərova bildirib ki, bu layihənin maliyyələşməsi üçün SECO 2,4 milyon dollarlıq texniki dəstək göstərilməsini təsdiq edib. Layihənin ümumi məbləği isə 2,6 milyon dollardır.
Layihənin məqsədi kredit informasiyaları üzrə səmərəli mübadilə sisteminin yaradılması və maliyyə institutlarının əməkdaşları arasında risklərlə idarə sahəsində sertfikatlaşdırılma və peşəkar təhsilin tətbiq edilməsi yolu ilə Tacikistan, Qırğızıstan, Özbəkistan və Azərbaycanın maliyyə bazarlarının infrastrukturlarının təkmilləşdirilməsidir.
Layihə daha sürətli və səhvsiz kredit qərarlarının qəbul edilməsində maliyyə müəssisələrinə köməklik göstərir.
Məqalə müəllifi ilə əlaqə ünvanı: [email protected]
