Azərbaycan, Bakı, 07 yanvar / Trend , müxbir N.İsmayılova/
"Noyabr ayında Azərbaycanda mənfəətlə işləyən bankların sayı 37 olub. Keçən aylarla və 2008-ci ilin noyabr ayı ilə müqayisədə bir bank artıb", -bu barədə cümə axşamı Azərbaycanın Mərkəzi Bankından deyilib.
Bank sisteminin ümumi gəliri 2008-ci il dekabrın birinə nisbətən 17%, 2009-cu ilin əvvəlinə nisbətən 26,8% artaraq 234,19 milyon manat təşkil edib. Noyabrda bankların ümumi gəlir həcmi 0,5% artıb.
2009-cu ilin əvvəlinə nisbətən zərərlə işləyən banklardan say etibarilə bir bank artıb. Nəticədə 9 bankın zərəri 16,72 milyon manat təşkil edib ki, bu da 2008-ci il dekabrın 1-nə olan göstəricidən 17% çoxdur.
bank fəaliyyətlərinin maliyyə nəticələri (vergilərin ödənilməsindən sonra) mln. manatla
|
Dövrlər |
Mənfəətlə işləyən bankların sayı |
Bank sisteminin ümumi gəliri (mənfəətli banklar üzrə) |
Zərərlə işləyən bankların sayı |
Bank sisteminin ümumi zərəri (zərərlə işləyən banklar üzrə) |
Bankların əldə etdiyi yekun gəlir (+) və ya zərər |
|
01-12-2007 |
40 |
154,11 |
3 |
3,91 |
150,20 |
|
01-12-2008 |
36 |
214,45 |
9 |
14,29 |
200,16 |
|
01-12-2009 |
37 |
250,91 |
9 |
16,72 |
234,19 |
Yanvarın 7-nə olan rəsmi məzənnə 0,8030 AZN/USD təşkil edir.