Gürcüstan, Tbilisi, 12 yanvar / Trend , müxbir N.Kirsxaliya/
2009-cu ildə Gürcüstan 9 ölkəyə 47,7 min ton sitrus bitkiləri ixrac edib. Bu barədə Acarıstan Maliyyə və İqtisadiyyat Nazirliyindən bildirilib.
Ən böyük ixrac həcmi Ukraynanın payına düşüb. Ukraynaya 41 min ton naringi göndərilib. Azərbaycan isə ikinci yerdədir. Bu mövsüm Azərbaycana 3,5 min ton Gürcüstan naringisi ixrac edilib.
Belarusa 1,3 min ton, Ermənistana 1,2 min ton, Qazaxıstana 294,8 ton, Küveytə isə 204,8 ton sitrus bitkiləri göndərilib.
"Növbəti mövsümdə Gürcüstan tezyetişən naringi sortlarının əkilməsinə başlamağı planlaşdırır ki, bu da kənd təsərrüfatının həmin sahəsinin inkişaf etməsinə yardımçı olacaq", - nazirlikdən deyilib.
